Almatyda elimizdi energııamen jabdyqtaýshy uıymdar ókilderiniń kezdesýi ótti
ALMATY. 8 sáýir. QazAqparat /Ádilet Musahaev/ - Búgin Almatyda Qazaqstan energetıkalyq qaýymdastyǵy (QEQ) jáne «AlmatyEnergııaQamtý» JShS bastamasy boıynsha Almaty qalasynda qazaqstandyq energııamen jabdyqtaýshy uıymdar ókilderiniń (EJU) birinshi keńesi ótti.
Alǵash ret energııa kompanııalardyń basshylary óz qyzmetteri boıynsha QR naryǵynda jıi kezdesetin túıtkildi máselelerdi talqylaý úshin kezdesip otyr.
Keńes jumysyna Qazaqstannyń barlyq óńirinen 20-dan astam energııamen jabdyqtaýshy kompanııalardyń ókilderi, onyń ishinde «Ońtústik Jaryq» JShS, «Aqtóbeenergııaqamtý», «Qaraǵandyjylýqamtý», «SoltústikEnergoTreıd», «Jezqazǵanenergııaqamtý», jáne basqa da energetıka kompanııalary qatysty. Keńes jumysyna QEQ, Almaty qalasy boıynsha TMRAD ókiletti organdarynyń ókilderi qatysýy mańyzdy bolyp otyr.
«Osyndaı kásibıler keńesin ótkizý - energııamen jabdyqtaýshy uıymdardyń ózekti máselelerin talqylaý jáne sol úshin arnaıy túrde QEQ aıasynda sektsııa quryldy. 2011 jyldyń josparynda júıeli kezdesýler men dóńgelek ústel ótkizý alǵa qoıylyp otyr, búgingi keńes Almatydaǵy osyndaı iri is-sharalardyń biri», - deıdi QEQ ZTB dırektorlar keńesi tóraǵasynyń orynbasary Jomart Kósherbaev.
«AlmatyEnergoQamtýdyń» bas dırektory, Mıhaıl Gambýrger budan ári energııamen jabdyqtaýshy uıymdar «birlesip ózekti máselelerdi talqylap, sheshý úshin» belsendi qarym-qatynas jasaý qajettigin alǵa tartty.
Qazaqstannyń elektr energetıkasynda sońǵy ýaqytta eleýli ózgerister bolyp jatqany belgili. Elektr energııasyn únemdi paıdalaný úshin jer-jerlerde saralanǵan tarıfter engizilgen bolatyn, ol elektr energııasyn esepteý júıesinde ózgerister týǵyzýda.
Sonymen qatar jıyn barysynda «Elektr energııasyn paıdalaný erejelerine», «Kommýnaldyq qyzmet kórsetý erejelerine» ózgertýler men tolyqtyrýlar engizý týraly, elektr energııasyn satyp alý (satyp alý-satý) týraly úlgi-sharttardy ázirleý, tutyný-óndirý teńgerimdiligin uıymdastyrý boıynsha qyzmetterdi kórsetý shyǵyndaryn tarıftik smetaǵa engizý sııaqty máseleler talqylandy.
Tájirıbe almasý aıasynda keńeske qatysýshylar ótken jyly Almatyda ashylǵan táýlik boıy jumys isteıtin baılanys ortalyǵynda, sondaı-aq Almaty qalalyq jabdyqtaýshy departamentiniń № 6 aýdandyq bólimshesinde jáne Qarasaı energııamen jabdyqtaý bólimshesinde boldy.
