Almatyda elimizdegi birden-bir soıa tuzdyǵyn shyǵaratyn óndiris iske qosyldy
ALMATY. QazAqparat - Almaty kásiporny elimizdegi birden-bir soıa tuzdyǵyn shyǵaratyn óndirisin iske qosty, dep habarlaıdy QazAqparat tilshisi.
Almatyda qala kúnin merekeleý qarsańynda «TsIN-KAZ» JShS kásipornynyń elimizdegi soıa tuzdyǵyn shyǵaratyn óndirisi iske qosyldy. Budan basqa, zaýyt kókónis salattaryn daıyndaıdy. Jemis-kókónis ónimderin qaıta óńdeý kásiporny qoldanystaǵy óndiristi jańǵyrtý, avtomattandyrý jáne keńeıtý jumystaryn júrgizgennen keıin 2 jańa tseh paıdalanýǵa berildi. Munda ónimniń qyzanaq pastasy, ketchýp, jemis tospasy jáne tuzdyq sekildi barlyǵy 20-dan astam taýarlar ataýymen atalatyn túri bar.
Óndiristiń qýaty jylyna b 6,3 myń tonna ónim óndirýge qaýqarly. Bul Qazaqstan naryǵynyń qyzanaq pastasyna degen suranysynyń 50%-dan astam qajettiligin jabady. Kompanııanyń ónimi Qazaqstannyń, Reseıdiń jáne Qyrǵyzstannyń 42 óńirine jiberiledi.
