Almatyda elektrsamokat úshin jol belgileri qoıylmaq
ALMATY. QazAqparat - Almaty kóshelerinde jeke mobıldi kólikter, onyń ishinde elektrsamokattardyń turaqtary úshin arnaıy jol belgileri jasalýda. Bul týraly QazAqparat ákimdikke silteme jasap habarlaıdy.
Atalǵan shara qala ákimdigi men kıksherıngtik servısterdiń arasynda jasalǵan qoldanystaǵy memorandým aıasynda júzege asýda.
Birinshi kezeńde belgiler Dostyq, Abaı, Nazarbaev dańǵyldary, Gogol kóshesiniń boıyna jasalýda. Keıin qalanyń júktemesi meıilinshe joǵary bólikterin qamtý josparlanýda. Jyl sońyna deıin qala boıynsha 500 turaq jasalatyn bolady.
Turaq aýmaqtary aq tústi boıaýmen samokat keskini arqyly belgilenedi. Turaq alańy shamamen 4 sharshy metrdi quraıdy, oǵan 10-ǵa jýyq jaldamaly samokat qoıýǵa bolady. Arnaıy belgilerdiń jasalýy qala turǵyndaryna jaldamaly samokattardy jaıaý júrginshiler men kólikterge kedergi keltirmeıtin oryndarǵa qaldyrýǵa múmkindik beredi.
Aıta ketsek, qala ákimdigi men samokattardy jalǵa berý qyzmetin usynatyn servıster operatorlary opepratorlary arasynda ózara túsinistik pen seriktestik týraly memorandýmǵa qol qoıylǵan edi.
