Almatyda elektrondyq saýda bir jylda 55% ósti

ALMATY. QazAqparat - Qazaqstanda júzege asyrylatyn elektrondyq saýdanyń jartysynan astamy Almatynyń úlesine tıesili. Onyń jyldyq ósimi ońtústik astanada 55% jetedi. Bul týraly Almaty Invest ınvestıtsııalyq forýmynda Almaty ákimi Baýyrjan Baıbek aıtty, dep habarlaıdy QazAqparat tilshisi.

«Biz Smart-tehnologııalardy belsendi túrde engizip kelemiz. Memleketke júginý protsedýrasy jeńildetildi. Almatyda kásipti qaǵazsyz júrgizýge bolady. Internet arqyly kásip ashýǵa, shot-faktýralar jazyp berýge, bank operatsııalaryn júrgizýge, salyq esebin tapsyrýǵa, qurylysqa ruqsat alýǵa bolady», - deıdi Baýyrjan Baıbek.

Qazposhtanyń derekterine súıensek, búginde elimizdegi búkil elektrondyq saýdanyń jartysynan astamy Almatynyń úlesine týra keledi, jyldyq ósim 55% quraıdy. Sondaı-aq ınternet-dúkender aınalymynyń 47%, qolma-qol aqshasyz tólemderdiń 64% Almatyǵa tıesili. Big Data qalyptasqan. Máselen, Birikken Ulttar Uıymynyń jýyrdaǵy reıtınginde Almaty elektrondyq úkimetti damytý boıynsha 25-oryn alǵan bolatyn.