Almatyda elektrondyq oqytý júıelerine arnalǵan konferentsııada 100-ge jýyq mekteptiń pedagogtary bas qosty
ALMATY. QazAqparat - Almatyda «XXI ǵasyrdyń bilim salasyndaǵy elektrondyq oqytýdyń keleshegi» atty halyqaralyq ǵylymı-praktıkalyq konferentsııa ótýde.
«Órleý» biliktilikti arttyrý ulttyq ortalyǵynda ótip jatqan atalmysh sharaǵa Almaty qalasyndaǵy 100-ge jýyq mekteptiń pedagogtary men birqatar joǵary oqý oryndarynyń oqytýshylary qatysýda.
«Bul konferentsııa Tuńǵysh Prezıdent kúnine oraılastyrylǵan. Óıtkeni Elbasy óz Joldaýynda bilim salasyndaǵy ınnovatsııalyq tehnologııalardyń mańyzdylyǵyn erekshe atap ótken bolatyn. Sondyqtan bul jıyn bilim salasyndaǵy elektrondyq oqytý jáne qashyqtyqtan oqytý júıelerine arnalyp otyr. Qazirgi tańda pedagogtar qaýymy zaman talabyna saı, oqytý júıesinde qoldanylatyn barlyq zamanýı sandyq tehnologııalardy jetik meńgerýleri tıis» - dedi óz sózinde «Órleý» BAUO» AQ fılıaly - bilim berý júıesiniń basshy jáne ǵylymı-pedagogıkalyq qyzmetkerleriniń biliktiligin arttyratyn respýblıkalyq ınstıtýtynyń dırektory Gúlnár Balaqaeva.
Atalmysh konferentsııaǵa Intel korporatsııasynyń ázirlegen «Bolashaqqa arnalǵan oqytý» baǵdarlamasynyń mamandary da qatysýda. Eki kúnge sozylatyn jıyn barysynda olar atalmysh baǵdarlama boıynsha pedagogtar rasynda birqatar sheberlik synyptaryn júrgizedi. Onda muǵalimder óz pánderinde qoldanylatyn sandyq tehnologııalardy meńgerip, olardy qoldaný boıynsha biliktilikterin arttyrady.
