Almatyda elektr jaryǵy tolyq qalpyna keldi
ALMATY. QazAqparat- Almatyda elektr jaryǵy tolyq qalpyna keltirildi. Bul týraly qala ákimdiginiń baspasóz qyzmeti málim etti, dep habarlaıdy QazAqparat tilshisi.
«Bostandyq aýdanyndaǵy RES-5 stansasy elektr jelilerindegi aqaý joıylyp, elektr qýaty tolyq kólemde qalpyna keldi», - dep habarlady qala basshylyǵynan.
Buǵan deıin Almatynyń «Ermensaı» shaǵynaýdanynda elektr qýaty sónip qalǵanyn jazǵan edik.
Saldarynan «Silver Hills» turǵyn úı kesheniniń turǵyndary jaryqsyz qaldy.
Buǵan deıin Almaty ákimi Erbolat Dosaev Almatyda elektr qýatynyń jıi óshetinine qatysty pikir bildirgen edi.
Aıtýynsha, qazirgi tańda 4,2 shaqyrym elektr jelisi qaıta jańǵyrtyldy. Jyl sońyna deıin 11 shaqyrymǵa deıin jóndeledi.
