Almatyda elektr jaryǵy nege jıi óshedi
ALMATY. QazAqparat - Almatylyqtar elektr qýatynyń jıi óshiriletinine shaǵymdana bastady. Ákimdik onyń sebebin túsindirdi, dep habarlaıdy QazAqparat tilshisi.
Almaty qalasy Energotıimdilik jáne ınfraqurylymdyq damý basqarmasynyń basshysy Aıdar Berkimbaevtyń aıtýynsha, qaladaǵy elektr jelileri tozǵan. Sondyqtan apattar jıi bolady. «Alataý Jaryq Kompanııasy» AQ jóndeý qyzmeti shuǵyl jumys isteıdi. Ár aýdanda jedel qyzmet kórsetý jasaǵy bar.
«Qaladaǵy apattardyń barlyǵy bizdiń baqylaýymyzda. Bir saǵattyń ishinde apatty anyqtap, tez arada elektr qýatyn iske qosýǵa tyrysamyz.Elektr energııasy turaqty, jyl boıy, táýlik boıy jumys isteıdi. Apattyń túrleri kóp. Eń bastysy, bizdiń qalamyzdaǵy barlyq apattar bir saǵatta qalpyna keltiriledi», - dedi Aıdar Berkimbaev.
