Almatyda elektr samokatynyń qatysýymen bolatyn jol apaty jıilep ketti
ALMATY. QazAqparat - Almatyda jyl basynan beri mopedter men samokatshylardyń qatysýymen 29 jol-kólik apaty tirkeldi, dep habarlaıdy QazAqparat tilshisi.
Polıtsııa departamentiniń málimetinshe, arnaıy taldaý negizinde qalada jol-kólik oqıǵalary jıi bolatyn eń qaýipti 33 aımaq anyqtady.
«Vision Zero baǵdarlamasy aıasynda apattyq oqıǵalardy azaıtý úshin qalalyq mobıldilik basqarmasymen birge bul qaýipti aımaqtar jańartylady. Mysaly, siz baıqaǵanyńyzdaı, keıbir aımaqtar men qıylystarda erekshe qyzyl, sary, tipti vaflı tańbalary qoldanylady. Bul júrgizýshilerdiń nazaryn aýdarý úshin jasaldy», – dedi Almaty qalalyq polıtsııa departamentiniń bastyǵy Qanat Taımerdenov.
Sonymen qatar, ol sońǵy jyldary qalamyzdyń joldarynda «balamaly kóliktiń» kóbeıip ketkendigin – mopedter men samokattar paıda bolǵanyn atap ótti.
«Bizdiń baqylaýymyz boıynsha, qalada 2-den 2,5 myńǵa deıin elektrsamokatshylar men mopedshiler júredi. Onyń kópshiligi - taýar ne tamaq jetkizetin kýrerler. Jyl basynan beri «balamaly kóliktiń» qatysýymen 29 jol-kólik oqıǵasy boldy, onda bir adam qaza tapqan. Taǵy 29-y túrli dene jaraqatyn aldy»,-deıdi departament basshysy.
Onyń aıtýynsha, jaqynda ákimdikpen jáne kýrerlik kompanııalardyń basshylarymen kezdesý ótken.
Nátıjesinde jol erejelerin saqtaý, sondaı-aq jetkizýshiler men olardyń kólik quraldarynyń esebin júrgizý boıynsha birqatar usynystar ázirlendi.
