Almatyda elektr samokatpen bara jatqan qyzdy kólik qaǵyp ketti
ALMATY. QazAqparat - Almatyda elektr samokatpen bara jatqan qyzdy kólik qaǵyp ketti, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, oqys oqıǵa 10 mamyr kúni keshke bolǵan.
«Honda CRV kóliginiń júrgizýshisi M. Maqataev kóshesimen batys baǵytta kele jatyp Abylaı han kóshesiniń qıylysynda ońǵa buryla bergende elektr samokat mingen 21 jastaǵy qyzdy qaǵyp ketti. Apat saldarynan jaraqat alǵan boıjetken № 4-shi qalalyq klınıkalyq aýrýhanaǵa jetkizildi. Dárigerlerdiń tekserýinen keıin ol úıine jiberildi», - dedi Almaty qalasy Polıtsııa departamentiniń anyqtaý basqarmasynyń bastyǵy Oljas Sháripov.
Atalǵan derekti Almaly aýdandyq polıtsııa basqarmasy tekserip jatyr.
