Almatyda elektr qýatynyń tarıfteri kóteriledi
Básekelestikti qorǵaý jáne damytý agenttiginiń Otyn-energetıka ónerkásibi departamenti dırektorynyń mindetin atqarýshy Qýat Asambekovtyń sózinshe, pılottyq joba aıasynda Almaty turǵyndaryna elektr energııasy úshin túbirtekterdegi aı saıynǵy tólem quny tutynylatyn energııa kólemine baılanysty orta eseppen 300 teńgege artady.
«Halyqtyń áleýmettik muqtaj toptary úshin tarıf ózgermeıdi, aıyrmany olarǵa ataýly turǵyn úı kómegi esebinen memleket sýbsıdııalaıtyn bolady. Qazaqstannyń qalǵan óńirlerinde elektr energııasyna tarıfterdi saralaýdy joıý 2023 jyldan bastalady»,- dedi ol.
Spıker turmystyq tutynýshylar úshin tarıfter zańdy jáne bıýdjettik tutynýshylar úshin jasandy ósimge baılanysty tómendeý baǵytynda saralanǵanyn túsindirdi.
«Tutynýshylar arasyndaǵy tarıfterdiń saralanýyn tómendetý shamamen 10%-dy quraıdy. ıAǵnı, turmystyq tutynýshylar sanatyna 10 paıyzǵa ósim bolady. Biraq bul jerde másele qymbattatýda emes. Ortasha tarıf mólsherlemesi óspeıdi. Munda másele aıyrmashylyqty azaıtý týraly bolyp otyr. Saıyp kelgende, barlyǵy birdeı tarıf tóleýi kerek», - dedi Qýat Asambekov.
Ol jobanyń birinshi kezeń aıasynda jeke jáne zańdy tulǵalardyń tarıfteri arasyndaǵy aıyrmashylyq shamamen 30 paıyzǵa tómendeıtinin atap ótti.
Buǵan deıin Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov Qazaqstanda elektr energııasyna tarıfterdi saralaýdy joıý boıynsha ázirlengen pılottyq jobanyń artyqshylyǵy týraly aıtqan bolatyn.
