Almatyda elektr energııasynyń nege berilmeı qalǵany belgili boldy
ALMATY. QazAqparat - Almatynyń keı aýdandarynda elektr energııasy óship qaldy. Oqys oqıǵaǵa baılanysty «Alataý jaryq kompanııasy» AQ túsinik berdi, dep habarlaıdy Qazaqparat tilshisi.
«13 tamyzda 17:42-de podstansa terrıtorııasynan tys aımaqta 6-10kV kabelderdiń órtenýine baılanysty N 168A «Esentaı» stansasynda jaryq berý toqtatyldy. Qazir tutynýshylardy basqa stansalarǵa qosý jumystary jalǵasyp jatyr. Zaqymdalǵan kabelder qaıta jóndelip jatyr. «Alataý Jaryq Kompanııasy» AQ mamandary barlyq qolaısyzdyqtardy sheship, tez arada tutynýshylarǵa jaryq beretin bolady»,- dedi Alataý Jaryq kompanııasynan.
Kabelderdiń ne sebepti órtengeni anyqtalyp jatyr.
Aıta ketý kerek, jaryqtyń óship qalýynan keı kóshelerde baǵdarshamdar isten shyǵyp, keptelis paıda boldy.
