Almatyda elektr energııasynyń baǵasy arzandaıdy
ALMATY. QazAqparat - Elektr energııasynyń kóterme saýda naryǵyndaǵy baǵalardyń ózgerýine baılanysty «AlmatyEnergoSbyt» JShS 2019 jyldyń 1 qańtarynan bastap elektr energııasyna tarıfterdiń tómendeıtini týraly habarlaıdy.
Almaty qalasy men Almaty oblysynyń tutynýshylary úshin kelesi tarıfter qoldanylady:
1. Almaty qalasy men Almaty oblysynyń tutynýshylary úshin elektr energııasyna ekonomıkalyq negizdelgen tarıf qosymsha qun salyǵynsyz (QQS) 1 kVts. úshin 15,90 teńge (12% QQS-men 1 kVts. úshin 17,81 teńge).
2. Qazaqstan Respýblıkasy Tabıǵı monopolııalardy retteý agenttiginiń 20.02.09 jylǵy №57-NQ buıryǵymen bekitilgen Energııamen jabdyqtaýshy uıymdardyń elektr energııasyna tarıfterdi jeke tulǵalardyń ony tutyný kólemine qaraı saralaý qaǵıdalaryna sáıkes eseptelgen elektr plıtalaryn paıdalanatyn jáne paıdalanbaıtyn Almaty qalasy men Almaty oblysynyń jeke tulǵalarynyń elektr energııasyn tutyný kólemine qaraı saralanǵan tarıftiń mólsherlemeleri:
1. Birinshi deńgeıdegi tarıf - 1 kVts. úshin QQS-syz 14,76 teńge (1 kVts. úshin QQS-men 16,53 teńge);
2. Ekinshi deńgeıdegi tarıf - 1 kVts. úshin QQS-syz 19,08 teńge (1 kVts. úshin QQS-men 21,37 teńge);
3. Úshinshi deńgeıdegi tarıf - 1 kVts. úshin QQS-syz 23,85
teńge (1 kVts. úshin QQS-men 26,71 teńge).
Tutynylǵan elektr energııasynyń esep aıyrysýlaryna ekonomıkalyq negizdelgen tarıfke teń tarıf 1 kVts. úshin QQS-syz 15,90 teńge (1 kVts. úshin QQS-men 17,81 teńge) kelesi tutynýshylardyń sanattary úshin belgilenedi:
1. Tutyný kólemine qaraı saralanǵan tarıfterdi paıdalanbaıtyn turmystyq tutynýshylar;
2. Elektr energııasyn turmystyq qajettilikter úshin paıdalanbaıtyn tutynýshylar;
3. Memlekettik bıýdjetten qarjylandyrylatyn zańdy tulǵalar.
