Almatyda eldiń múlkin lombardqa ótkizgen alaıaq áıel ustaldy
ALMATY. QazAqparat – Almaty polıtsııasy megapolıs turǵyndaryna úlken materıaldyq shyǵyn keltirgen alaıaq áıeldi ustady, dep habarlaıdy QazAqparat tilshisi.
Kúdikti 25 jasta. Qazirgi ýaqytta T. atty azamatshanyń qalada jasalǵan 10 alaıaqtyq faktisine qatysy bar ekeni anyqtaldy.
«Kúdikti qylmystyq maqsatta ınternetti paıdalanǵan. Ol azamattardan zattardy jalǵa alyp, keıin olardy lombardqa ótkizip otyrǵan. Bul «bıznes» oǵan jaqsy paıda ákeldi. Alaıaqtyq jolmen alynǵan zattar tiziminde turmystyq tehnıka, qundyz teri buıymdary, áıelderdiń keshki kóılekteri, smartfondar jáne kúndelikti turmystyq zattar bar. Ol taýardan túsken aqshany óz qajetine jumsaǵan. Al, jalǵa alǵan taýar ıelerimen qaıta baılanysqa shyqpaǵan. Qazirgi ýaqytta materıaldyq shyǵyn bir mıllıon eńgege jýyqtaıdy»,- deıdi Bostandyq aýdandyq polıtsııa basqarmasynyń bastyǵy Sábıt Sansyzbaev.
Kúdiktige qatysty QR QK 190-baby boıynsha qylmystyq is qozǵaldy. Sotqa deıingi tergeý júrip jatyr.
