Almatyda eldiń kózinshe áıelderdi balaǵattaǵan stendaper 10 táýlikke qamaldy
ALMATY. QazAqparat - Almatyda stendap kezinde áıelderdi balaǵattaǵan jigit qamaldy, dep habarlaıdy QazAqparat.
Aıta keteıik, áleýmettik jelide kesh qonaqtarynyń aldynda óner kórsetip turǵan stendaperdiń áıelderdi qorlaıtyn balaǵat sózdi birneshe márte qaıtalap aıtqan vıdeosy tarady.
Keıinnen onyń 2000 jyly týǵan Andı Topalıdısý ekeni málim boldy.
Osyǵan oraı Almaty qalasy Medeý aýdandyq polıtsııa basqarmasy Ákimshilik quqyq buzý kodeksiniń 434-baby boıynsha is qozǵady.
Búgin keshke Almaty qalasy boıynsha mamandandyrylǵan aýdanaralyq ákimshilik sotynyń qaýlysymen ol kináli dep tanylyp, 10 táýlikke ákimshilik qamaqqa alyndy.
Sottan keıin stendaper arnaıy vıdeo túsirip, keshirim suraǵan.
