Almatyda Elbasynyń Joldaýyn taldaýǵa arnalǵan dóńgelek ústel ótti
ALMATY. Aqpannyń 25-i. QazAqparat / Ádilet Musahaev / - Búgin Almatydaǵy demalys ortalyqtarynyń jetekshileri men onda tárbıelenip jatqan jastar arasynda Elbasynyń bıylǵy Joldaýyn nasıhattaýǵa arnalǵan dóńgelek ústel ótti,
dep habarlaıdy QazAqparat.
Almaty qalasy demalys ortalyqtarynyń patrıottyq tárbıe berý, memlekettik tildi, mektepke deıingi tárbıeni jáne bilim berýdi damytý, jastar arasynda salaýatty ómir mádenıetin nasıhattaý jónindegi múmkindikterin qarastyrý is-sharanyń basty maqsaty bolyp tabylady.
Almaty qalasy Jastar saıasatyn damytý memlekettik qorynyń dırektory Dáýren Muhamedjanovtyń aıtýynsha, Prezıdent bıylǵy Joldaýynda salaýatty ómir saltyn nasıhatatýǵa kóp mán bergen. Sondyqtan ony jastardyń arasynda keńirek talqylaý maqsatynda búgingi sharany ótkizip otyrǵandyǵyn jetkizdi. «Ótken aptada «Shuǵyla» demalys ortalyǵynda Joldaýdyń memlekettik tilimizge, patrıotızmge qatysty salasyn talqylaǵan bolatynbyz. Al, búgingi shara sport salasyna, salaýatty ómir saltyn qalyptastyrýǵa baılanysty baıandamalar oqyp, taldaý jumystaryn júrgizýge arnalǵan. Óıtkeni Elbasymyz óz Joldaýynda aıtyp ótkendeı, Qazaqstan halqynyń keminde 30 paıyzy sportpen shuǵyldanýy kerek. Soǵan baılanysty jastarymyzdy sportqa úgittep, kelesi jylǵy 7-shi qysqy Azııa oıyndaryna qalamyzdaǵy búkil demalys ortalyqtarynyń jastary atsalysady degen oıdamyn», deıdi D.Muhamedjanov.
Atalmysh sharaǵa Almaty qalasy Jastar saıasaty jónindegi basqarma, ortalyqtandyrylǵan kitaphana júıesiniń ókilderi, Almaty qalasy máslıhatynyń depýtattary, Almaty qalasy Demalys ortalyqtarynyń jetekshileri qatysty.
