Almatyda Elbasynyń tóraǵalyǵymen QR Prezıdenti janyndaǵy Sheteldik ınvestorlar keńesiniń májilisin ótedi
ASTANA. Mamyrdyń 27-si. QazAqparat /Ernur Aqanbaı/ - Maýsymnyń 4-i kúni Almatyda Memleket basshysy Nursultan Nazarbaevtyń tóraǵalyǵymen QR Prezıdenti janyndaǵy Sheteldik ınvestorlar keńesiniń 23-shi plenarlyq májilisin ótkizý josparlanyp otyr,
dep habarlaıdy QazAqparat.
Indýstrııa jáne jańa tehnologııalar mınıstrligi baspasóz qyzmetiniń málimetinshe, Keńestiń kezekti májilisiniń taqyryby - «Qazaqstan ekonomıkasyn bilikti eńbek resýrstarymen tıimdi qamtamasyz etý máseleleri» dep atalady. Otyrys aıasynda Memleket basshysynyń jáne QR Premer-Mınıstriniń Keńes quramyna kiretin sheteldik kompanııalardyń jetekshilerimen eki jaqty kezdesýler ótkizýi kútilýde.
Sheteldik ınvestorlar keńesi keńesshi-konsýltatıvtik organ bolyp tabylady. Onyń aıasynda Qazaqstandaǵy ınvestıtsııalyq qyzmet jáne ınvestıtsııalyq ahýal máseleleri talqylanady. Keńestiń quramyna 26 iri sheteldik kompanııalar jáne halyqaralyq uıymdar kiredi. Keńestiń plenarlyq májilisi QR Prezıdenti N. Nazarbaevtyń tóraǵalyǵymen jylyna eki márte ótkizilip turady.
