Almatyda Elbasynyń qurdastary bas qosty
ALMATY. Maýsymnyń 21-i. QazAqparat /Erlik Erjanuly/ - Búgin Almatyda «Elbasynyń 70 qurdasy» dep atalatyn shara ótip jatyr,
dep habarlaıdy QazAqparat.
«Ony Stýdenttik qurylys jáne jastar eńbek otrıadtary qoǵamdyq birlestigi uıymdastyryp otyr. Bul sharaǵa «Qurdastar» qory, «Aq orda» respýblıkalyq qozǵalysy, «Arýana» meıramhanasy, «Aslan» JShS-i qoldaý kórsetti. Bul basqosýǵa shaqyrylǵan qonaqtar arasynda Elbasynyń synyptastary, zamandastary, «Altyn alqa» ıegerleri, qoǵamnyń ártúrli salasynda jemisti eńbek etken qaıratkerler bar. Maqsat - aǵa býyn ókilderin bir dastarhan basyna jınap, táýelsizdik jolyndaǵy eren erlikterine qurmet kórsetý», deıdi Stýdenttik qurylys jáne jastar eńbek otrıadtary qoǵamdyq birlestiginiń jetekshisi Almasbek Nuǵmanov. Onda basqosýǵa jınalǵan qaýymǵa Qorǵanys mınıstrligi ansambliniń ónerpazdary án men jyrdan shashý shashyp, merekelik kóńil kúı syılaýda.
