Almatyda «Elbasy joly» atty kórme ashyldy
Oǵan Almaty qalasy ákimdigi, «Nur Otan» partııasynyń Almaty qalalyq fılıaly, QR Prezıdenti Muraǵaty, QR Tuńǵysh Prezıdenti - Elbasy qorynyń ókilderi jáne mýzeıge kelýshiler qatysty.
«Bul kórmeniń negizgi maqsaty - QR Tuńǵysh Prezıdenti Nursultan Nazarbaevtyń halyqaralyq arenada saıası yqpalynyń jáne mıssııasynyń joǵary ekendigin kórsetý jáne dáleldeý. Sol úshin Elbasymyzdyń shet memleketterge jasaǵan resmı saparlary barysynda sol memleketterdiń basshylarynyń bizdiń Elbasyǵa tartqan 50-ge tarta qundy kádesyılary qoıylǵan. Sondaı-aq, kórmede Prezıdenttiń basqa memlekettermen baılanys ornatýdaǵy qyzmetin beıneleıtin fotosýretter de bar», - dedi óz sózinde QR Memlekettik ortalyq mýzeıiniń Qazaqstan tarıhyn zertteý ortalyǵynyń ǵylymı qyzmetkeri Shyryn Toıynbaeva.
Sonymen qatar ol, qazirgi tańda álemde «Damýdyń qazaqstandyq joly» atty túsinik qalyptasqandyǵyn jetkizdi.
«N. Á. Nazarbaev eldiń ekonomıkalyq damý jolyna erekshe mán berip, olardy saıası problemalardan buryn qoıdy. Ómirdiń ózi kórsetkendeı, Elbasynyń tańdaýy durys bolyp shyqty. QR Prezıdentiniń «aldymen‑ekonomıka, sodan keıin ‑ saıasat» atty qaǵıdasy postkeńestik keńistikte sátti reformalardyń birden-bir utymdy úlgisi boldy. Bizdiń elimizdiń tereń oılastyrylǵan ekonomıkalyq damý strategııasynyń jetken jetistikteri negizinde álemde «damýdyń qazaqstandyq joly» atty túsinik qalyptasty», - dedi Sh. Toıynbava.
