Almatyda Elbasy Joldaýyn túsindirý maqsatynda kezdesýler ótýde
ASTANA. 24 qyrkúıek. QazAqparat - QR Eńbek jáne halyqty áleýmettik qorǵaý vıtse-mınıstri Serik Ahmetov Almaty qalasynyń Ardagerler úıinde bolyp, Uly Otan soǵysy ardagerleri, múgedekter,
zeınetkerler jáne mekeme ujymymen kezdesti, dep habarlady vedomstvonyń baspasóz qyzmetinen.
Kezdesýdiń negizgi maqsaty - QR Prezıdenti N.Á. Nazarbaevtyń Joldaýyn keńinen nasıhattaý, berilgen tapsyrmalardyń oryndalýyn túsindirý, ár jyldyń basty qujatyna aınalǵan Joldaýdyń elimizdiń áleýmettik-ekonomıkalyq damýy men aldaǵy josparlardy aıqyndaýdaǵy mańyzdylyǵyn jarııalaý bolyp tabylady.
Munyń aldynda Serik Ahmetov «Ójet» shaǵynaýdanynda ornalasqan №156 jáne №148 orta mektepterdiń ustazdarymen júzdesti. Sondaı-aq, vıtse-mınıstr «Jumyspen qamtý 2020», «Bıznestiń jol kartasy 2020» baǵdarlamalaryna qatysýshy ári Qazaqstannyń ındýstrııalandyrý kartasyna engen «Munaıaspap» AQ ujymymen kezdesý ótkizdi.
Qazir Almatyda QR Ekonomıkalyq damý jáne saýda mınıstri Q.Kelimbetovtyń bastaýymen Respýblıkalyq aqparattyq nasıhat toby (RANT) jumys isteýde. 48 kezdesý barysynda RANT músheleri baıandamalar jasap, almatylyqtardyń kókeıindegi suraqtarǵa jaýap beretin bolady. Kezdesýge birqatar mınıstrler men tıisti vedomstvolardyń ókilderi, halyq qalaýlary men jergilikti atqarýshy organdardyń basshylary qala turǵyndarymen, stýdenttermen, mekeme ujymdarymen kezdesedi.
