Almatyda «Elbasy jáne stýdenttik jastar» atty mýzykalyq kesh ótti

Oǵan Almaty qalasynyń ákimi Ahmetjan Esimov, memleket jáne qoǵam qaıratkerleri, «Nur Otan» partııasynyń jetekshileri, elimizge tanymal aqyndar men jazýshylar, ǵalymdar men JOO basshylary, ÚEU belsendileri qatysty.

Saltanatty jıyn elimizdiń Tuńǵysh Prezıdenti Nursultan Nazarbaevtyń eńbek joly men táýelsiz Qazaqstannyń damýyna qosqan úlesine arnaldy. Keshtiń maqsaty - stýdentterge Elbasynyń táýelsiz memleket bilimindegi rólin uǵyndyrý, onyń biregeı tulǵalyq jáne adamı qasıetterin jastarǵa úlgi alýǵa shaqyrý.

Keshte sharanyń uıymdastyrýshysy bolyp tabylatyn Qazaq memlekettik qyzdar pedagogıkalyq ýnıversıtetiniń stýdentteri óner kórsetti. Olardyń orandaýynda tanymal aqyndardyń Elbasyna arnalǵan óleńderi oqylyp, ánderi shyrqaldy.