Almatyda «Elbasy medali» jobasyna 578 úmitker tirkeldi
ALMATY. QazAqparat – Almatyda «Elbasy medali» respýblıkalyq jobasyna 578 úmitker tirkeldi, dep habarlaıdy QazAqparat tilshisi.
«Elbasy medali» baǵdarlamasyn «El Úmiti» bastamasy aıasynda QR Tuńǵysh Prezıdenti – Elbasynyń qory jáne «Elbasy akademııasy» Korporatıvtik qory júzege asyrady.
Baǵdarlamanyń negizgi sımvoly - jetistiktiń 7 jebesine balanǵan. Ol - jasóspirimderdiń qabiletin damytýǵa, jas qazaqstandyqtardyń rýhyn bıiktetýge, jańa urpaqtyń básekege qabilettiligin arttyrýǵa arnalǵan sport, daryndylyq pen daǵdyny damytý, kitap oqý, volonterlik, ulttyq mura, týrıstik jáne jumys tájirıbesi. Máselen sport bolsa, onyń túrin qatysýshy ózi tańdaıdy.
Baǵdarlama 14 pen 29 jas aralyǵyndaǵy balalar men jastarǵa arnalǵan. Ol úsh deńgeıde bolady: qola, kúmis jáne altyn. Qola 14 jastan bastap, kúmis 15 jastan bastap, altyn 16 jastan bastap qatysýshylarǵa belgilenetin bolady. Ár deńgeıde qatysýshylardyń sabaq uzaqtyǵy men jıiligine qoıylatyn talaptar usynylǵan. Ár deńgeıde qatysýshylardyń sabaqtarynyń uzaqtyǵy men jıiligine talaptar qoıylady. Qola deńgeıge jetý úshin - 6 aı, kúmiske - 12 aı, altynǵa 18 aı qajet.
Aınalasyndaǵy álemdi jáne ómirin túbegeıli ózgertkisi keletin balalar men jastar úshin ádistemelik jáne uıymdastyrý júıesi Qordyń qoldaýymen quryldy. Qatysýshylar ózderiniń jetistikterin baǵalaıtyn tálimgerlermen aralasady.
«Qoıǵan maqsatyna jetpeı qoımaıtyn árbir jas qazaqstandyqtyń Elbasy medalin ıelenýge múmkindigi mol. Joba aldaǵy ýaqytta bilimdi jáne tabysty jas azamattyń sımvolyna aınalatynyna senimdimiz. Ol bolashaq túlekterdi otandyq joǵary oqý oryndaryna túsýge yntalandyrady. Medal ıegerleri balldary teń bolǵan jaǵdaıda, Qazaqstan Respýblıkasynyń zańnamasynda belgilengen tártippen bilim berý granttaryn alýǵa basym quqyqqa ıe bolady. Meniń oıymsha, bul tamasha jańalyq. Bizdiń óńirdiń bilim berý mekemeleriniń barlyq basshylaryna osy qyzyqty baǵdarlamaǵa nazar aýdarýdy jáne ol týraly óz oqýshylary men stýdentterine mindetti túrde aıtyp berýdi usynamyn. Bizdiń óńir «Elbasy medali» baǵdarlamasynyń úzdik qatysýshylary qatarynda bolady dep úmittenemin», - dedi Qaırat Jumanov.
Onyń aıtýynsha, Almatyda baǵdarlamany júzege asyrýǵa barynsha jaǵdaı jasalǵan.
«Almaty ákimi osy maqsatta qajetti qarajat qarastyrdy. Baǵdarlamaǵa qatysýǵa 578 adam tirkeldi. Qaladaǵy barlyq bilim mekemeleri basshylaryna osy baǵdarlamaǵa barynsha mán berýdi usynamyn», - dedi ol.
Qazaqstan boıynsha qazir bul chellendjge qatysýǵa 6000 adam usynys bergen. Bıyl baǵdarlama 17 myń adamdy qamtıdy.
Qazirgi jaǵdaıda adamnyń jetistigi tek qana kásibı deńgeıde ǵana emes. Soft skills (emotsıonaldy ıntellekt, kóshbasshylyq, jaýapkershilik, ózin-ózi basqarý, beıimdelý jyldamdyǵy, ádeptilik) bolýy mamanǵa degen suranysty, onyń básekege qabilettiligin arttyrady. «Elbasy medali» baǵdarlamasy - qatysýshylardyń osyndaı qasıetterin arttyrýǵa baǵyttalǵan.
Kórsetilgen nátıjeler negizinde baǵdarlama qatysýshylary altyn, kúmis jáne qola medaldermen marapattalady.
QR zańnamasynda belgilengen tártip boıynsha, eger jınaǵan baly ózgelermen teń bolǵan jaǵdaıda, «Elbasy medali» ıegerleri bilim grantyn alýǵa, sonymen qatar joǵary bilimi bar kadrlardy daıarlaýǵa arnalǵan memlekettik bilim berý tapsyrysy boıynsha bilim alyp jatqandardyń quramyna enýge quqyly.
Baǵdarlamaǵa qatysý úshin me.fpp.kz saıtynda tirkelý qajet.
Qosymsha aqparat alý úshin 7170 sall-ortalyǵyna habarlasýǵa balady.
