Almatyda Elbasy atynan aýyzashar berildi
ASTANA. 2 tamyz. QazAqparat - Almatyda Elbasy Nursultan Nazarbaevtyń atynan aýyzashar berildi, dep habarlady QMDB baspasóz qyzmetinen.
Oǵan shahar basshysy Ahmetjan Esimov, Bas múftı Erjan qajy Malǵajyuly bastaǵan dinı basqarma qyzmetkerleri jáne zııaly qaýym ókilderi qatysty,
Aýyzashar dastarhanynyń betasharyn Almaty qalasy Ortalyq meshitiniń bas ımamy Nurbek qajy Esmaǵanbet qasıetti Quran aıatymen ashty. Bas múftı bata jasaǵannan keıin quttyqtaý sóz Ahmetjan Smaǵululyna berildi. Qala ákimi jamaǵatty múbárak Ramazan aıymen quttyqtap, izgi tilek-lebizin bildirdi. Islam dininiń asyl qundylyqtaryn halyqqa pash etýde múftııattyń súbeli jumysy týraly pikirlerimen bólisti. Ol dinı basqarmanyń izgi is-sharalarǵa udaıy kóńil bólip, óz tarapynan qoldaý bildiretinin jetkizdi.
Aýyzashar dastarhanynda Erjan qajy Malǵajyuly jınalǵan jurtqa júrekjardy tilegin aıtyp, musylman qaýymynyń ulyq merekesi - Ramazan aıynda ıgi de izgi, saýapty amaldardy atqarýdyń mańyzdylyǵyna toqtaldy. El azamattaryn eldik murat pen halyq ıgiligi, dástúrli dinimizdiń nasıhat jumystaryna bir atanyń balasyndaı qyzmet etýge shaqyrdy. Búgingideı beıbit zamannyń qadirin sezinip, Jaratýshyǵa jaqsy istermen jaqyndaýǵa úndedi.
Naıb múftı Serikbaı qajy Oraz oraza ustaýdyń máni men mańyzy jaıly ýaǵyz aıtyp, kópshilikke oı tastady.
Merekeli hám berekeli dastarhanda zııaly qaýym ókilderi, qoǵam qaıratkerleri izgi nıetterin bildirse, ánshiler ǵıbratty án men jyrdan shashý shashty.
