Almatyda el táýelsizdiginiń 20 jyldyǵyna oraı «Táýelsizdik taǵylymy» atty fotokórme ashylady

Merekelik shara «FOTOÓNER» qoǵamdyq birlestiginiń uıymdastyrýymen jáne Almaty, Astana qalalary ákimdiginiń qoldaýymen ótkiziletin bolady. Fotokórmeniń bas seriktesi - «Bank «RBK» AQ.

Uıymdastyrýshylardyń aıtýynsha, kórmeniń maqsaty - egemen el retindegi jıyrma jyl ishinde fotosýretshilerdiń obektıvterine ilingen memlekettik, qoǵamdyq, saıası jáne rýhanı mańyzy bar sátter men oqıǵalardy keler urpaqqa shejire túrinde qaldyrý bolyp tabylady.

Kórmege elimizdegi mańdaıaldy degen 20-dan asa fotojýrnalısterdiń biregeı 200-ge jýyq fotosýretteri qoıylatyn bolady.

Atap, aıtqanda, QR Premer-mınıstriniń jeke fotografy Shúkir Shahaıdyń, QR Parlamentiniń fotografy Saılaý Maılybaevtyń, «Egemen Qazaqstan» gazetiniń fototilshisi Orynbaı Balmurattyń, QR Qorǵanys mınıstrliginiń fotografy Ermek Sarbasovtyń, «QazAqparat» agenttiginiń fototilshisi Muhtar Qaldarbekovtyń, sonymen qatar «Aıqyn», «Alash aınasy», «Jetisý», «Almaty aqshamy» gazetteri fototilshileriniń jumystary, «FOTOÓNER» QB-nyń, ardager fotojýrnalısterdiń, oblystyq ákimshilikteri fototilshileriniń sýretteri qoıylatyn bolady.