Almatyda «EQYU-nyń eýrazııalyq ólshemi» Transazııalyq parlamenttik forýmy ótip jatyr
STANA. Mamyrdyń 14-i. QazAqparat - Budan buryn habarlaǵanymyzdaı, búgin Almatyda «Interkontınental» qonaqúıinde «EQYU-nyń eýrazııalyq ólshemi» Transazııalyq parlamenttik forýmy ashyldy.
Forýmǵa EQYU-ǵa qatysýshy memleketter Parlamentterinen, Jerorta teńizi jáne Azııalyq áriptester Uıymdarynan delegattar, sondaı-aq Aýǵanstan, Pákistan jáne Iordanııa parlamentshileri, halyqaralyq uıymdar, ǵylymı-zertteý ınstıtýttary, dıplomatııalyq korpýstardyń ókilderi (250-den astam) keldi.
Prezıdent Nursultan Nazarbaevtyń forýmǵa qatysýshylarǵa arnaǵan úndeýin EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy- Syrtqy ister mınıstri Q.Saýdabaev oqydy.
Parlament Senatynyń Tóraǵasy, EQYU Parlamenttik Assambleıasynyń vıtse-prezıdenti Q.Toqaev forýmǵa qatysýshylarǵa arnaǵan sózinde EQYU-nyń transaımaqtyq yntymaqtastyqtaǵy jáne qazirgi álemdegi qaterlerge qarsy is-qımyldaǵy EQYU-nyń erekshe rolin atap ótti.
«Qazaqstan, onyń reformalardy tabysty júzege asyrýdaǵy jáne halyqaralyq qaýipsizdikti qamtamasyz etýdegi tájirıbesimen bul úderisti júrgizýge jáne EQYU-daǵy jalǵasyp kele jatqan oń ózgeristerge óz úlesin qosýǵa ázir»,-dedi tóraǵa.
Q.Toqaevtyń aıtýynsha, EQYU Turaqty keńesiniń arnaýly sessııasy barysynda Prezıdent Nursultan Nazarbaev jarııa etken qazaqstandyq basymdyqtardy júzege asyrýda Qazaqstan Assambleıanyń qoldaýyna súıenedi.
«Qazirgi kezeńde Tóraǵalyqtyń mańyzdy basymdyǵy bıylǵy jyly EQYU Sammıtin ótkizý bolyp tabylady. Sammıt EQYU-ǵa qatysýshy memleketterdiń basshylyǵyna jańa tarıhı jaǵdaılarda Helsınkı bastamalarynyń damýyn qamtamasyz etýdiń jáne Uıym basymdyqtaryn jyldar boıy aldyn ala belgileýge múmkindik beredi»,-dedi Q.Toqaev.
Ózara baılanysty jáne ózara qatysty ózekti máselelerdi sheshýde qaýipsizdiktiń ortaqtyǵy qaǵıdasynyń mańyzdylyǵyn aıta kelip, tóraǵa «tez ózgeretin jaǵdaıda jáne jahandalǵan álemde qaýipsizdik júıesi taza eýropalyq nemese azııalyq bolyp qarastyrylýy múmkin emes. Eýropa men Azııa - ol, shyn máninde, kóptegen tarıhı, ekonomıkalyq jáne mádenı baılanystarmen órilgen birtutas geografııalyq jáne saıası keńistik», dep atap ótti.
Tóraǵanyń aıtýynsha, jalpy qaýipter men qaterler úılesimdi jaýaptardy talap etedi. Bul Shyǵys pen Batys arasyndaǵy keń turǵydaǵy ózara is-qımyl retindegi EQYU-nyń eýrazııalyq ólsheminiń mańyzdylyǵyn kúsheıte túsedi.
Aýǵan máselesin sheshý joldaryna qatysty tóraǵa Aýǵanstanǵa onyń ekonomıkalyq jáne áleýmettik qalpyna keltirý isinde halyqaralyq kómektiń mańyzdylyǵyn atap ótti.
«Egerde barlyq múddeli memleketter men uıymdar óz strategııasyn tyǵyz úılestirse ǵana bul el turaqty qoǵam qurýǵa naqty múmkindik alady. Biz aýǵan halqyna esirtki óndirisi sekildi tajaldan azat, órkendegen el men búkil halqynan qoldaý tapqan tıimdi úkimet qurýǵa barlyq múmkindikti berýge tıispiz»,-dedi Q.Toqaev.
Forým aıasyndaǵy Qyrǵyzstan jónindegi arnaıy sessııaǵa qatysty tóraǵanyń aıtýynsha, «Qyrǵyzstandaǵy jaǵdaıdy retteý jáne azamat soǵysynyń aldyn alý úshin EQYU zor úles qosty. Tıisti memleket basshylarynyń birlesken kúsh-jigerimen halyqaralyq ınstıtýttardyń shıelenisti joıýǵa baǵyttalǵan úılesimdi is-qımyl tetikteri jasaldy».
Sóziniń aıaǵynda tóraǵa «forýmnyń kún tártibindegi ózekti máseleler tóńiregindegi pikirsaıys qaýipsizdik kelbetin qalyptastyrý joldaryna qatysty jalǵasqan únqatysýǵa eleýli úles qosady, EQYU keńistigi men Eýrazııanyń basqa aımaqtyq júıelerinde saıası progress pen ekonomıkalyq damýǵa járdemdesedi», dep senim bildirdi.
