Almatyda ekstremıstik uıymǵa qatysy bar úsh kúdikti ustaldy

ALMATY. QazAqparat - Almatyda ekstremıstik uıymnyń qyzmetine qatysqany úshin kúdikti úsh adam úı qamaýynda alyndy, dep habarlaıdy «QazAqparat» HAA tilshisi.

«Almaty polıtsııa departamenti QR QK 405-babynyń negizinde «ekstremıstik uıymnyń qyzmetine qatysý» boıynsha qylmystyq is qozǵady. Kúdikti O.Shevchýk, J. Demeýova jáne azamatsha G.Jaýkerovaǵa buǵan deıin birneshe ret zań buzýshylyqtyń saldary túsindirilip, ákimshilik sharalar qoldanylǵan bolatyn», - dep habarlady Almaty polıtsııa departamentiniń baspasóz qyzmeti.

Alaıda, atalǵan tulǵalar zań talaptaryn bile tura, tyıym salynǵan ekstremıstik uıymdardyń qoǵamǵa jat arandatýshylyq áreketterine aralasýdy udaıy jalǵastyryp kelgen. Jınalǵan tikeleı dáleldemeler negizinde, 31 mamyrda, Almaty tergeý soty qaýlysymen kúdiktilerge úı qamaǵy túrinde aldyn alý sharasy qoldanyldy.

Qazirgi ýaqytta qylmystyq is boıynsha qajetti tergeý amaldary júrgizilýde.