Almatyda ekstremal metronyń artyna jabysyp alyp júrgen
ALMATY. QazAqparat - Almatyda metronyń artqy jaǵynan jabysyp alyp júrgen adamǵa qatysty shara qoldanylady, dep habarlaıdy QazAqparat tilshisi.
Bul vıdeo 2 qarashada «SHERIFF Almaty » arnasynda «Zatsep metro Almaty» degen ataýmen jarııalanǵan. Vıdeo avtory poıyzdyń art jaǵyndaǵy tirkemesine jabysyp alyp, «Almaly» stansasynan bastap «Abaı» stansasyna deıin jetken.
«Metropolıten» MKK baspasóz qyzmeti bul oqıǵaǵa qatysty túsinik berdi.
«Jolaýshylarǵa qyzmet kórsetetin kezekshi bul kezde qarama qarsy platformada ketken jolaýshylardy shyǵaryp salyp turǵan. Osy ýaqytty paıdalanyp bloger poıyzǵa jabysyp alyp ketip qalǵan. Qaýipti eksperıment vıdeokameralarǵa túsip qaldy», - dedi baspasóz qyzmetinen.
«Metropolıten» MKK bul derekke qatysty polıtsııaǵa shaǵymdandy.
«Vıdeo avtory tek qana ózi ǵana emes, ózgelerdiń ómirine de qaýip tóndirgen. Sondaı-aq, buzaqylyqtyń kesirinen poıyzdardyń júrý kestesi buzylýy múmkin boldy», - dedi baspasóz qyzmetinen.
Buǵan deıin polıtsııa avtobýstyń artyna jabysyp alyp júrgen adamǵa qatysty is qozǵaǵan bolatyn.
