Almatyda ekskýrsııalyq avtobýstar arnaıy jolaqpen júretin bolady
ALMATY. QazAqparat - Almatynyń týrıstik áleýeti týraly ótken qoǵamdyq keńeste otyrysynda ekskýrsııalyq avtobýs baǵdarlarynyń damýy týraly másele kóterildi, dep habarlaıdy QazAqparat tilshisi.
Qalalyq Týrızm jáne syrtqy baılanys basqarmasynyń basshysy Erlan Jaılaýbaıdyń aıtýynsha, ekskýrsııalyq avtobýstarǵa arnaıy turaq bólýge jáne avtobýs jolaǵymen júrýge ruqsat berý týraly aýyzsha kelisim jasalǵan.
«Qazir mamandarmen birige otyryp turaq oryndaryn belgiledik. Ákimshilik polıtsııamen aýyzsha kelisim bar. Memorandýmǵa qol qoıýǵa ázirlik bar. Sonymen qatar, ekskýrsııalyq avtobýstarǵa arnaıy avtobýs jolaǵymen júrýge ruqsat beretin jol qozǵalysy erejelerine ózgeris engizemiz. Keler týrıstik maýsymnyń basynda jumıas aıaqtalady», - dedi Erlan Jaılaýbaı.
«SpetsTehParkıng» kompanııasymen júrgizilip jatqan kelisim barysynda ekskýrsııalyq avtobýstarǵa kem degende bir oryn qaldyrý múmkindigin qarastyrylýda.
Onyń aıtýynsha, qazir qalada jańa týrıstik avtobýs baǵdarlary jasalyp jatyr.
«Elektrobýstarǵa suranys kóp. Almatyda eki baǵytta týrıstik elektrobýs júrip tur. Kólikter Smart-týrızm kompanııasynyń aýdıogıdterimen jabdyqtalǵan. 1 500 teńgege kez-kelgen adam Almatyny aralaı alady»,- dedi Erlan Jaılaýbaı.
Aıta ketý kerek, týrıstik baǵyttaǵy qos elektroavtobýs 13 qazanda jolǵa shyqqan bolatyn.
