Almatyda eksklıýzıvti qundyz ton satpaq bolǵan alaıaq ustaldy
ALMATY. QazAqparat – Almatyda eksklıýzıvti qundyz ton satamyn dep eldi aldaǵan alaıaq ustaldy, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, 27 jastaǵy áıel «HI-Tech» respýblıkalyq is-sharasy barysynda áshkerelendi.
«Kıberqylmyspen kúres bóliminiń qyzmetkerleri Alataý aýdanynyń PB qyzmetkerlerimen birge alaıaq áreketi úshin 27 jastaǵy áıeldi ustady. Áıel qylmystyq nıetpen onlaın kıim dúkenine uqsaıtyn Instagram-daǵy akkaýnty ashyp, onda qundyz tonnyń eksklıýzıvti modelderin bazar baǵasynan tómen baǵamen satylatyny jóninde jarnama jarııalaǵan. Kóptegen turǵyn satýshyǵa sengen. Alaıaqtyń jumys jospary mynadaı bolǵan. Ton satyp alǵysy keletin adam onyń býkmekerlik keńselerdegi shotyna aqsha aýdarýy kerek bolatyn. Aqsha túskennen keıin ol telefondy óshirip, SIM kartans aýystyryp, satyp alýshyny barlyq messendjerde jáne áleýmettik jelide bloktap otyrǵan», - dedi Almaty qalalyq PD krımınaldyq polıtsııa ,asqarmasynyń bastyǵy Erkin Іńkárov.
Kúdikti ustalyp, QR QK-niń 190 baby boıynsha qylmystyq jaýapkershilikke tartyldy. Sotqa deıingi tergeý jalǵasyp jatyr.
