Almatyda eks-tergeýshi 6 jylǵa sottaldy
ALMATY. QazAqparat - Almatyda qalalyq Memlekettik kirister departamentiniń burynǵy aǵa ofıtseri Baýyrjan Oralǵazın men Jambyl oblystyq MKD ishki qaýipsizdik basqarmasynyń burynǵy aǵa tergeýshisi Ǵazız Júzbaevqa qatysty sot úkimi shyqty, dep habarlaıdy QazAqparat tilshisi sot zalynan.
Sýdıa Baýyrjan Oralǵazındi 6 jylǵa bas bostandyǵynan aıyryp, múlkin tárkilep, sonymen qatar ómir boıyna memlekettik qyzmetten shettetý týraly úkim shyǵardy
Al Jambyl oblystyq MKD ishki qaýipsizdik basqarmasynyń burynǵy aǵa tergeýshisi Ǵazız Júzbaevty 2 jyl 3 aıǵa bas bostandyǵynan aıyrý týraly úkim shyqty.
Oralǵazın QR QK 412, 367, 370, 190-baptary boıynsha kinásiz tulǵany qylmystyq jaýapkershilikke tartyp, asa iri kólemde para berýge májbúrlep, alaıaqtyq jasady degen aıyp taǵyldy.
Júzbaevqa QR 416, 24, 190-baptary boıynsha aıǵaqtardy burmalaý, alaıaqtyq jasady degen aıyp taǵylǵan edi.
Іs materıaldaryna sáıkes, Oralǵazın jeke kásipker - Qyrǵyzstan azamatyna qatysty birqatar qylmys jasaǵan.
Atap aıtqanda, ony laýazymdy tulǵalarǵa para berdi dep, halyqaralyq izdeýge jarııalaǵan. Májbúrlep túsinikteme bergizip, laýazymdy tulǵaǵa 120 000 AQSh dollary kóleminde para berýge ıtermelegen. Bul somany Oralǵazın óz maqsatynda paıdalanǵany anyqtalǵan. Júzbaev bolsa Oralǵazınmen birige otyryp birqatar qylmys jasap, jábirlenýshini 20 000 AQSh dollary kóleminde para berýge májbúrlegeni anyqtaldy.
