Almatyda ekpe almaǵan 30 bala A gepatıtin juqtyrǵan
ALMATY. QazAqparat - Almatyda ekpe almaǵan 30 bala saryaýrýdyń A túrine shaldyqqan, dep habarlaıdy QazAqparat tilshisi. Bul týraly Óńirlik kommýnıkatsııalar qyzmetinde bolǵan baspasóz brıfıngi barysynda belgili boldy.
«Almatyda ekpeden bas tartatyn ata-analar óte kóp. Ekpe almaǵan balalardyń arasynda aýyratyndar jıi kezdesedi. Máselen, bıyl alǵashqy jartyjyldyqta vırýsty gepatıtti 30 bala juqtyrǵan. Olardyń barlyǵy ekpe almaǵandar», - dedi qalalyq Qoǵamdyq densaýlyqty saqtaý Departamentiniń basshysy Aızat Moldaqasymova.
Jalpy alǵanda 2-ge tolmaǵan balasy bar ata-analardyń arasynda ekpeden bas tartý jıilep keledi.
Mamannyń aıtýynsha, qalada 55 kókjótel aýrýy tirkelgen. Aýyrǵandardyń 82%-y ekpeden bas tartqandar.
