Almatyda ekopost ornatyla bastady
ALMATY. QazAqparat - Almaty qalalyq jasyl ekonomıka basqarmasynyń bastyǵy Natalıa Lıvınskaıa ekologııa salasynda atqarylyp jatqan sharalar týraly aıtty, dep habarlaıdy QazAqparat tilshisi.
«Aýaǵa monıtorıng júrgizý úshin qalanyń ártúrli núktelerinde 10 avtomattandyrylǵan beket ornatyldy. Qala turǵyndaryn aýa sapasy týraly aqparattandyryp turatyn 49 LED ekran iske qosyldy. Aqparat kúnine úsh ret jańartylady. Olar 26 arnaıy datchıkten túsedi. Qosymsha taǵy 10 monıtorıng stantsııasyn qosý josparlanǵan (derekterde aýa jaǵdaıynyń alty negizgi kórsetkishi bar)», - deıdi ol
Sonymen qatar, ol dızel men benzındi otyn retinde paıdalanatyn kommýnaldyq tehnıkany satyp alýǵa tyıym salynǵanyn atap ótti.
«Ekopost ornatý protsedýrasy bastaldy. Men buǵan deıin qalanyń perımetri boıynsha avtomobılderden shyǵatyn gazdy ólsheıtin birneshe ekologııalyq post qoıylatynyn aıtqanmyn, sonymen birge qalanyń kireberisinde aýa sapasyn anyqtaıtyn arnaıy qurylǵy iske qosylady», – deıdi Natalıa Lıvınskaıa.
Buǵan deıin Almaty mańyndaǵy ekopostar qalaı jumys isteıtinin jazǵan bolatynbyz.
