Almatyda ekonomıkanyń údemeli damýyn qamtamasyz etýde 3 basym baǵyt aıqyndaldy - Ahmetjan Esimov
ATY. 12 mamyr. QazAqparat /Erlik Erjanuly/ - Óndiriste Almaty qalasynyń úlesi Qazaqstannyń jalpy ishki óniminde 20 paıyzǵa jýyq.
Biz qalaǵa qandaı jaýapkershilik júkteletinin aıqyn túsinemiz. Almaty qalasynyń ákimi Ahmetjan Esimov bul jaıly búgin Elbasynyń qatysýymen ótken Almatynyń áleýmettik-ekonomıkalyq damýyna arnalǵan alqaly jıynda aıtty.
"Almatyda ekonomıkanyń údemeli damýyn qamtamasyz etýde aımaqtyq ereksheligi men áleýmettik múmkindikterin eskere otyryp 3 basym baǵyt aıqyndaldy. Birinshisi, Alataý aýdanynda 90 ga. alqapta ındýstrıaldyq aımaqty damytý. Ekinshisi, Almaty óńirinde týrızmdi, ásirese taý shańǵysy sportyn damytý. Úshinshisi, qalanyń barlyq kólik júıesin keshendi damytý", - dedi ol.
Qala ákiminiń sózine qaraǵanda, Alataý aýdanyndaǵy ónerkásiptik aımaqta 110 ónerkásiptik jáne kommýnaldyq kásiporyndardy ornalastyrý josparlanýda. 7-qysqy Azııa oıyndary kezinde halyqaralyq deńgeıde shańǵymen tuǵyrdan sekirý kesheni salynyp, "Medeý" muz aıdyny jańartylyp, "Shymbulaq" taý shańǵysy kýrorty jetildirildi. Ondaǵy trassalar álemdik standarttarǵa tolyq sáıkes keledi. Taý shańǵysy kýrortyn damytý jobasyn odan ary júzege asyrý týrızm salasynyń JІÓ-degi úlesin 10 paıyzǵa deıin ulǵaıtýǵa múmkindik beredi. Al úshinshi baǵyttaǵy jumystar kólik júıesin ǵana emes, qaladaǵy ekologııalyq máselelerdi sheshýge oń yqpalyn tıgizbek. Qazirgi tańda mýnıtsıpaldy avtobýs parki jumys jasaýda. Eýropa qaıta qurý jáne damý bankiniń kredıti esebinen 200 avtobýs gaz otynyna kóshirildi. Jyl sońyna deıin atalmysh banktiń kredıtine qazirgi zamanǵy 200 trolleıbýs alynbaq. Sondaı-aq qoǵamdyq kólikti gazǵa aýystyrý boıynsha júıeli jumystar júrgizilýde.
