Almatyda ekonomıkany jańartý týraly halyqaralyq konferentsııa ótip jatyr
ALMATY. 2 jeltoqsan. QazAqparat /Erlik Erjanuly/ - Qazaqstannyń paıdalanylmaǵan qorlaryn iske qosý arqyly damý qarqynyn qaıta údetýge múmkindigi bar. Bul búgin Almatyda "Qazaqstan ekonomıkasyn jańartý: daǵdarystan keıingi damýdyń kókeıkesti máseleleri" dep atalatyn HIV halyqaralyq ǵylymı-tájirıbelik konferentsııada aıtyldy.
"Bul shara Halyqaralyq bıznes ýnıversıtetiniń qurylǵan kúnine oraı jyl saıyn dástúrli túrde uıymdastyrylyp kele jatyr. Biz bıyl 8 qarasha kúni joǵary oqý ornynyń 18 jyldyǵyn atap óttik. Bıyl ol "Qazaqstan - 2030" baǵdarlamasynyń 10 jyldyǵymen tuspa-tus kelip otyr", -deıdi Halyqaralyq bıznes ýnıversıtetiniń rektory, ekonomıka ǵylymynyń doktory Gennadıı Gamarnık.
Ǵalymnyń paıymdaýynsha, Qazaqstan óziniń josparlaǵan maqsatyna birtindep qol jetkizip jatyr. Máselen "Bıznes júrgizýdiń jeńildigi" kórsetkishi boıynsha Qazaqstan qazir álemde 59 orynda tur. Bir jyldyń ishinde 63-ten 59 deıin kóterilý sonyń naqty aıǵaǵy. Qazir elimiz 2020 jylǵa deıingi strategııalyq baǵdarlamada áleýmettik damýǵa erekshe mán berýde. Jalpy aldaǵy 10 jylda Qazaqstan ekonomıkasynyń shıkizatqa táýeldiligin azaıtýda shıkizattyq emes sektordyń úlesi 40 paıyzǵa, al eńbek ónimdiligi 2 ese ulǵaımaq.
