Almatyda Ekonomıkalyq tergeý departamentiniń basshysy taǵaıyndaldy

ALMATY. QazAqparat - Almatyda QR Qarjy mınıstrligi Qarjy monıtorıng komıteti tóraǵasynyń orynbasary Dáýlet Aqylbekov Almaty qalasy boıynsha Ekonomıkalyq tergeý departamentiniń ujymyna jańa basshyny tanystyrdy, dep habarlaıdy QazAqparat tilshisi.

QR Premer-Mınıstriniń birinshi orynbasary – QR Qarjy mınıstri Álıhan Smaılovtyń buıryǵyna sáıkes, Departament basshysy laýazymyna Alı Saparǵalıuly Altynbaev taǵaıyndaldy.

Sondaı-aq, QR QM Qarjy monıtorıng komıteti tóraǵasynyń buıryǵymen departament basshysynyń orynbasary laýazymyna Baqtııar Abaıuly Júzenov taǵaıyndaldy.

Basqosýda Dáýlet Aqylbekov Almaty qalasy boıynsha Ekonomıkalyq tergeý departamentiniń jumysy týraly aıtyp ótip, komıtet basshylyǵynyń alǵa qoıǵan mindetterin aıqyndady.

Alı Saparǵalıuly Altynbaev eńbek qyzmetin 2001 jyldan bastap salyq organdarynda ınspektor, bólim jáne basqarma basshysy laýazymdarynda qyzmet etken.

2019 jyldyń sáýir aıynan bastap búgingi taǵaıyndaýǵa deıin QR MKK Almaty qalasy boıynsha Memlekettik kirister departamenti basshysynyń orynbasary bolyp qyzmet etken.