Almatyda ekonomıkalyq kontrabandamen aınalysqan Túrkııa azamaty sottaldy
ALMATY. QazAqparat - Almatyda ekonomıkalyq kontrabandamen aınalysqan Túrkııa azamaty sottaldy. Bul týraly qalalyq sottyń baspasóz qyzmeti habarlady.
Іs materıaldaryna sáıkes, Túrkııa azamaty Baıram Nebı 2012 jyldyń kúzinen aǵaıyndy Ryspaevtarmen birige otyryp, Túrkııadan taýar tasýmen aınalysqan. Olar taýarlardy kedendik deklaratsııadan tys qujatsyz alyp ótýge tyrysqan.
Óz kezeginde aǵaıyndy Ryspaevtar Pákistannan, BAE, Úndistan, Túrkııadan zańsyz taýar tasýmen aınalysyp kelgendigi anyqtaldy. Olar 2015 jyldyń sáýirinde Medeý aýdandyq sotymen sottaldy.
Qylmystyq top kontrabandalyq júkterdiń kedennen kedergisiz ótip, tutynýshyǵa jetýin qamtamasyz etip otyrǵan. Sondaı-aq, Ryspaevtar qylmystyq áreketten túsken qarjyny top arasyndaǵylarǵa bólip berip otyrǵan.
Baıram Nebı bolsa «Sakýra Kompanı» JShSine klıent taýyp berip, qujat rásimdeýmen aınalysqany anyqtaldy.
Sot sheshimimen ol QR QK 209-babynyń 3-bólimimen aıypty dep tanylyp, 3 jylǵa bas bostandyǵynan aıryldy.
