Almatyda ekonomıkalyq belsendi halyqqa shaqqanda, jumyssyzdyq 0,8 paıyz deńgeıinde turaqtandy
rong> Qazannyń 29-y. QazAqparat /Erlik Erjanuly/ - Shetelde daǵdarys jaǵdaıynda atqarýshy bılik qyzmetiniń tıimdiligi halyqtyń eńbekpen qamtylý deńgeıi men jumysyzdyqpen kúrespen baǵalanady. Elbasynyń qoldaýy arqasynda biz bul mindetti sheshe aldyq. Búgin Almatyda qala ákimi Ahmetjan Esimov 9 aıdyń qorytyndysyn saralaýǵa arnalǵan keńeıtilgen májiliste osylaı aıtty,
dep habarlaıdy QazAqparat.
Almatyda daǵdarysqa qarsy sharalar negizgi 2 qujattyń aıasynda júzege asyrylyp jatyr. Qalalyq daǵdarysqa qarsy baǵdarlamada 103 mıllıard teńge, al «Jol kartasynda» 25 mıllıard teńge qarastyrylǵan. Ony dáıekti túrde júzege asyrýdyń arqasynda 45 myń adam jumyspen qamtamasyz etildi. Olar kólik ınfraqurylymy, energetıka, áleýmettik salalar men 2011 jylǵy Qysqy Azııa oıyndary ótetin nysandarda jumys jasaýda.
«Memlekettik tapsyrys-2009» aktsııasy boıynsha bizdiń barlyq memlekettik kommýnaldyq kásiporyndar 20,7 mıllıard teńgeniń memlekettik satyp alýyn jasady. Bizdiń bastamamyz boıynsha «Samuryq-Qazyna» ulttyq ál-aýqat qoryna kiretin 17 ulttyq kompanııa qala kásiporyndary arasynda jármeńke ótkizgen bolatyn. Olardyń derekterine qaraǵanda, almatylyq taýar óndirýshilermen 276 mıllıard teńgeniń kelisim-shartyna qol qoıyldy. Sondaı-aq shaǵyn jáne orta bıznesti qoldaýdyń 3-shi transhy aıasynda 117 mıllıard teńgeniń 46,5 mıllıardy Almaty qalasyna bólindi. Memleket tarapynan sondaı-aq úleskerler men ıpoteka alýshylarǵa úlken qoldaý kórsetilýde», deıdi Ahmetjan Smaǵululy.
