Almatyda ekologııalyq tehnologııalar týraly konferentsııa ótip jatyr
ATY. 3 qarasha. QazAqparat /Erlik Erjanuly/ - Búgin Almatyda "EcoTech -2010" kórmesi aıasynda "Shyǵaryndylardy qysqartý maqsatynda yntymaqtastyqta jumys isteý. Taldaý, suraqtar, úzdik tehnologııalar jáne tájirıbe" dep atalatyn konferentsııa ótip jatyr.
Ony "Iteca" kórme kompanııasy Ortalyq Azııanyń aımaqtyq ekologııalyq ortalyǵy, Qazaqstandyq turaqty damýǵa arnalǵan tabıǵat paıdalanýshylar qaýymdastyǵy men Munaı-gaz salasyndaǵy zańgerler qaýymdastyǵymen yntymaqtasa otyryp uıymdastyrdy. Bıyl altynshy ret ótip jatqan ekotehnologııalar men ekoqyzmetterdiń "EcoTech -2010"kórmesi 2 qarasha kúni ashylǵan bolatyn. Ol beısenbige deıin jumys istemek.
Qorshaǵan ortany qorǵaý vıtse-mınıstri Eldana Sádýaqasovanyń aıtýynsha, konferentsııa jumysyna 100-den astam delegat qatysýda. Konferentsııanyń plenarlyq májilisteri - "QR Kıot hattamasyna sáıkes mindettemeleri: múmkindikter men keleshegi", "Lastaýshy zattardy shyǵarýdy qysqartýǵa arnalǵan tehnologııalar men tájirıbeler: mysaldar, nátıjeler, jetistikter" degen taqyryptar boıynsha júrip jatyr.
