Almatyda ekologııalyq aqparattandyrýdy damytý boıynsha muǵalimderge arnalǵan trenıng ótti
ALMATY. 9 qarasha. QazAqparat /Názıra Eleýhan/ - Búgin Almatyda "Almaty qalasy mektepterinde qorshaǵan ortany qorǵaý máselesi boıynsha qoǵamdyq aqparattandyrýdy damytý" atty Eýropalyq Odaq jobasy aıasynda 15 mekteptiń muǵalimderine arnalǵan bir kúndik trenıng boldy.
Trenıngtiń negizgi maqsaty - qorshaǵan ortany qorǵaý boıynsha alǵan bilimderin qaıtalaý jáne bekitý. Al kýrstyń maqsaty - erikti-muǵalimderdi ekologııanyń negizine oqytý; oqý sońynda bul aqparattardy ustazdar oqýshylardy daıyndaýda qoldanatyn bolady. Trenıng ekologııalyq aǵartý boıynsha usynymdar negizinde jasalǵan. Qaıtalaý kýrsy bıylǵy jyly sáýir aıynda ótti. Eki kúndik trenıngte qorshaǵan ortany qorǵaý jáne ekologııalyq máseleler boıynsha Almaty qalasy mysalǵa alynyp, qaralǵan bolatyn.
Eýropalyq Odaqtyń jobasy aǵymdaǵy jyly qańtar aıynda bastaldy. Ony qarjylandyrýǵa 150 000 eýro bólingen. Jobany QR Qyzyl Aı qoǵamy iske asyrýda.
