Almatyda EKO úshin 800 kvota bólindi
ALMATY. QazAqparat – «Ańsaǵan sábı» baǵdarlamasy boıynsha Almatyǵa 800 kvota bólindi, dep habarlaıdy QazAqparat tilshisi.
Memleket basshysynyń halyqqa Joldaýynda aıtylǵan «Ańsaǵan sábı» baǵdarlamasyn iske asyrý aıasynda ekstrakorporaldy uryqtandyrýǵa kvota sany 7 esege ulǵaıtyldy.
Bıyl Qazaqstanda «Ańsaǵan sábı» baǵdarlamasy iske qosylady. Osy baǵdarlama sheńberinde EKO-ǵa kvota sany 7 esege ulǵaıtyldy, onyń ishinde Almatyǵa 2021 jylǵa bólingeni 800-ge jýyq kvota. 2020 jyly 130 kvota bólingen bolatyn.
EKO-ǵa jiberý týraly sheshimdi Almaty qalasy Qoǵamdyq densaýlyq basqarmasy janynan qurylǵan arnaıy komıssııa qabyldaıdy. EKO-ny áıeldiń ózi tańdaıdy.
Búgingi kúni basqarmanyń kezeginde 700-ge jýyq áıel bar, onyń 400-i 2020 jyly ótinish bergen.
EKO protsedýrasyna ótinish berý úshin tirkelgen emhanaǵa barý kerek, sol jerde tekserýden ótken soń, protsedýraǵa jiberedi.
