Almatyda ekinshi jyl qatarynan fýtýrıstıkalyq art-shyrsha jaǵyldy
ALMATY. QazAqparat - Almatyda ekinshi jyl qatarynan erekshe dızaınerlik shyrshaǵa ot berildi. Aıta ketý kerek, bul qaladaǵy 15 shyrshanyń ishindegi erekshesi, dep habarlaıdy QazAqparat tilshisi.
Art-shyrsha Astana alańynda boı kóterdi.
Bul qalalyq shyǵarmashylyq toptardyń oılastyrǵan sherýiniń dızaınerlik bir kompozıtsııasy bolyp tabylady. Óner týyndysynyń avtory Nurbol Nurahmet.
«Keshke alańda erekshe avangard stılinde shyrsha jaǵylady. Shyrshanyń aınalasynda qaǵazdan jasalǵan keıipkerlerdiń sherýi ótedi. Bul jańajyldyq kostıýmder emes, alańǵa jınalǵan qaýymdastyqtardyń sımvoly bolyp tabylady», -dedi Funk kreatıvti agenttiginiń ókili Maıra Izmaılova.
Festıval bitken soń da art-shyrsha almatylyqtardyń basyn biriktiretin oryn bolyp qala bermek.
Aıta ketý kerek, byltyr osyndaı erekshe shyrsha Respýblıka saraıynyń mańynda boı kótergen bolatyn.
