Almatyda ekinshi modýldi ınfektsııalyq aýrýhananyń qurylysy aıaqtaldy
ALMATY. QazAqparat – Almatyda 300 tósek-orynǵa arnalǵan ekinshi modýldi ınfektsııalyq aýrýhananyń qurylysy aıaqtaldy, dep habarlaıdy QazAqparat tilshisi.
Aýrýhananyń qurylysy 1 tamyzda bastalyp, 1 qazanda aıaqtaldy. Ol «Aport» saýda oıyn-saýyq ortalyǵynyń janynda ornalasqan jáne qalalyq klınıkalyq ınfektsııalyq balalar aýrýhanasynyń fılıaly sanalady.
Gospıtal 12 bloktan turady, onyń ishinde 8 palatalyq bólim bar. Onda 300 tósek-oryn jáne 30 reanımatsııa palatasy bar. Barlyq tósekter medıtsınalyq gazben jáne ókpeni jasandy jeldetý apparatyna qosylǵan.
Aýrýhana zamanaýı KT, rentgen, ýltradybystyq apparattarmen jabdyqtalǵan, sondaı-aq koronavırýsqa arnalǵan PTR dıagnostıkasyn qosqanda zertteýdiń barlyq túrleri júrgiziletin óz zerthanasy bar.
«Ár blok jeke jumys isteıdi. Adamdar palatada oqshaýlana alady. Soǵan barynsha múmkindik jasalǵan. Palata 2-3 adamǵa arnalǵan. Jýynatyn bólme,kir jýatyn oryn men ashana bólek. Aldynǵy modýldi aýrýhanalarda bular qarastyrylmaǵan. Sonymen qatar, aýrýhanada ottegi stantsııasy bar», - deıdi Almaty qalalyq balalar juqpaly aýrýlar aýrýhanasynyń bas dárigeri Erjan Seralın.
Sonymen qatar, ol aýany tazartý, aǵyndy sýlardy, onyń ishinde jańbyr sýlaryn zalalsyzdandyrý, medıtsınalyq qaldyqtardy joıý júıeleri barlyq ekologııalyq qaýipsizdik talaptaryn saqtaı otyryp júzege asatynyn aıtty.
«Jańbyr sýyna deıingi barlyq qaldyq sý úsh bólikten turatyn arnaıy qurylymǵa jınalady. Onda ol dezınfektsııalanady, sodan keıin ǵana ol jalpy qalalyq kanalızatsııaǵa jiberiledi. Bizde medıtsınalyq qaldyqtardy joıatyn bólim de bar. Olar «V» synybynan «A» synybyna aýysady. Qoldanylǵan zattar 140 gradýs ystyqta zalalsyzdadyrylyp, usaqtalyp baryp qoqys konteınerine tastalady «, - dep qosty dáriger.
Klınıkada patsıentti qajetti tekserýden ótkizýge múmkindik beretin dıagnostıkalyq bólim bar.
«Bizdiń qyzmetkerlerdiń tájirıbesi mol. Jumysqa jańadan qabyldanǵandar mindetti túrde eki aptalyq tájirıbeden ótedi. Munda 68 dáriger, 172 meıirbıke jáne 120 basqa da medıtsınalyq qyzmetker jumys isteıdi. Onyń barlyǵy qorǵanys kostıýmimen, maskamen, dári-dármekpen qamtamasyz etilgen. Jyl sońyna deıin qorymyz bar. Biz ártúrli stsenarıılerdi ázirledik jáne kez kelgen ýaqytta naýqastarǵa kómek kórsetýdi basshylyqqa aldyq», - deıdi Erjan Seralın.
Klınıkanyń eki gektar aýmaǵy abattandyryldy, kógal tóselip, qylqan japyraqty aǵashtar otyrǵyzyldy. Buǵan deıin qala ákimi Baqytjan Saǵyntaev «Jasyl Almaty» baǵdarlamasy aıasynda qosymsha kóshet otyrǵyzýdy tapsyrǵan bolatyn.
Modýldik aýrýhana naýqastardy osy aptadan bastap qabyldaıdy. Koronavırýstyń ekinshi tolqyny bolǵan jaǵdaıda, aýrýhana koronavırýsqqa shaldyqqan barlyq naýqastarǵa kómek kórsetedi.
Eske salaıyq, 280 tósekke eseptelgen alǵashqy modýldi aýrýhana sáýir aıynyń sońynda paıdalanýǵa berilgen bolatyn.
