Almatyda eki jylda 4 sýdıa sottaldy

ALMATY. QazAqparat - Almatyda eki jyldyń ishinde sybaılas jemqorlyq qylmys jasaǵan 4 sýdıa sottaldy, dep habarlaıdy QazAqparat tilshisi.

«2019-2020 jyldary bizdiń departament Almaty sýdıalaryna qatysty sybaılas jemqorlyq qylmys jasaǵan tórt faktini anyqtady. Ózderińiz bilesizder, sýdıalardyń erekshe ımmýnıteti bar. Naýryzbaı, Bostandyq, Medeý aýdandarynyń sýdıalary men Bostandyq aýdandyq azamattyq ister jónindegi sot tóraǵasy qylmystyq jaýapkershilikke tartyldy», - dedi QR Sybaılas jemqorlyqqa qarsy is-qımyl agenttigi Almaty qalasy boıynsha departamentiniń basshysy Nyǵmetjan Saparov.

Sonymen qatar, ol 4 qylmystyq is boıynsha aıyptaý úkimi shyǵarylyp, kináli sýdıalar naqty merzimge sottalǵanyn atap ótti.