Almatyda eki jyl buryn jasalǵan adam óltirý qylmysy ashyldy
ALMATY. Maýsymnyń 15-i. QazAqparat /Názıra Eleýhan/- Almatyda eki jyl boıy habarsyz ketkenderdiń qatarynda bolǵan er adamnyń opat bolǵany anyqtaldy,
dep habarlaıdy QazAqparat.
Qurban bolǵan adam - jeke menshik taksı aıdaýshy bolǵan. Túrksib aýdanynyń eki turǵyny onyń «Mazda» markaly avtokóligine kózi túsip, qylmystyq jospar quryp, kólik ıesine jaqsy aqshaǵa Almaty oblysynyń Talǵar qalasyna aparyp salýyn suraıdy. «Buzaqylar jolda kólik ıesin tunshyqtyryp óltirip, ony qalanyń shetindegi dalalyq jerge kómip tastaǵan. Odan keıin aıdap áketken kólikti ózderiniń saıajaılaryna aparyp tyǵyp, bólshektep satqan. Túsken aqshany ózara bólisip alǵan», dedi bolǵan jaǵdaıdy baıandaǵan Túrksib aýdany ІІD-niń bastyǵy, polıtsııa polkovnıgi Nurlan Moshqalov.
"Onyń ata-anasynan ulymyz jumystan kelmedi degen habar túsisimen, biz onyń jaqyn tanystaryn teksere bastadyq, al kóligi de joǵalǵanyn bilgende, osy jaǵdaı sebep bolýy múmkin dep, izdestirý jumystaryn sol baǵytta júrgizdik. Nátıjesinde, aldymen qaskúnemniń biri Alekseıdi ustadyq. Ol máıitti qaıda kómgenin aıtyp, jasaǵan qylmysyn moıyndady. Qazir qylmysqa qatysy bar Roman esimdi ekinshi adamdy izdestirýdemiz", dedi polıtsııa polkovnıgi Nurlan Moshqalov.
