Almatyda «Eki juldyz» jobasynyń ekinshi maýsymy bastalady
ALMATY. Aqpannyń 22-si. QazAqparat /Názıra Eleýhan/ - Keshe Almatyda «Eki juldyz» jobasy ekinshi maýsymnyń tusaýyn kesti,
dep habarlaıdy QazAqparat.
Bul joly atalmysh joba «Qazaqstan» ulttyq arnasynyń tapsyrysy boıynsha, «Adam prodakshns» prodıýserlik kompanııasynyń uıymdastyrýymen túsirilmek. Qazaqstan Ulttyq arnasynyń menshigindegi joba, Shvetsııa «Zodıak» kompanııasyna tıesili. Baǵdarlama «Taý termınal» aýmaǵynda túsiriledi. Alǵashqy habar naýryz aıynyń 13-de, ekinshi habar naýryz aıynyń 21-de túsirilip, Qazaqstan Ulttyq arnasynan kórsetiletin bolady.
«Gogol» oıyn-saýyq ortalyǵynda ótken ekinshi maýsymnyń tusaýkeser rásimine saıasat, óner, medıa-naryq, sondaı-aq estrada juldyzdary qatysty.
Buǵan deıin habarlaǵanymyzdaı, «Eki juldyz» jobasy álemniń 9 elinde úlken jetistikpen ótkizilip keledi. Reseıde «Dve zvezdy» atymen belgili bul shoý habar Qazaqstanda da óziniń aýdıtorııasyn da jınap úlgerip, kórermenderdiń súıikti habarlarynyń birine aınaldy.
