Almatyda eki júk kóligi soqtyǵysyp, bir adam mert boldy

ALMATY. QazAqparat - Almatyda eki KamAZ kóliginiń soqtyǵysýy saldarynan bir adam qaza tapty, dep habarlaıdy QazAqparat tilshisi.

Qalalyq polıtsııa departamentiniń málimetinshe, jol-kólik oqıǵasy T.Rysqulov dańǵyly men F.Ońǵarsynova kóshesiniń qıylysynda boldy.

«F.Ońǵarsynova kóshesiniń ońtústik baǵytynda qıyrshyq tas tıelgen kólik buzylyp, toqtap qalǵan. Júrgizýshi tehnıkalyq kómekti kútip turdy. Osy kezde basqa júk kóligi qatty jyldamdyqpen jolda turǵan KamAZ-dy soqqan. Saldarynan júrgizýshige kólikti jóndeýge kómektesip jatqan er adam alǵan jaraqatynan oqıǵa ornynda kóz jumdy. Taǵy bir adam qaladaǵy aýrýhananyń birine jetkizildi», - dep habarlady polıtsııa departamentiniń baspasóz qyzmeti.

Polıtsııa adam ólimi bolǵan jol-kólik oqıǵasyn sotqa deıingi tergeýdi bastady. Tıisti saraptama taǵaıyndaldy.