Almatyda eki jigitti atyp, aqshalaryn tartyp alyp ketkender ustaldy
ALMATY. 6 qazan. QazAqparat /Ádilet Musahaev/ - Almatyda jaraly eki jigit es-tússiz kúıde aýrýhanaǵa tústi. Oq onyń biriniń basyna tıse, ekinshisiniń keýde tusyna tıgen.
Almaty qalasy ІІD krımınaldy polıtsııa basqarmasynyń qaraqshylyq shabýyl men tonaý bóliminiń bastyǵy Janbolat Zııaddınniń aıtýynsha, bul is alǵashynda jastardyń buzaqylyǵynan oryn aldy degen sıpatta bolǵan. Óıtkeni jábirlenýshiniń ekeýi de es-tússiz bolǵandyqtan olardyń qandaı oqıǵaǵa urynǵandyǵyn anyqtaý qıynǵa túsken. "Jigitter es jıǵan soń ǵana olarǵa qaraqshylyq shabýyl jasalǵandyǵy belgili boldy. Olar shabýyl jasalǵan mańdaǵy bankomattan iri kólemde aqsha alǵan. Oǵan 15 mınýttaı ýaqyttary ketken, mine osyny avtokólik ishinde baqylap otyrǵan 3 beıtanys jigit olardyń izine túsip, qolaıly jerde shabýyl jasap, aqshalaryn jymqyryp ketken",-deıdi J.Zııaddın.
Adam qarasy kóptep júretin keshki saǵat 5-ter shamasynda jasalǵan qaraqshylyq shabýylǵa kýágerler de tabylǵan.
"Kýágerler qylmys oryn alǵan jerden qarasyn batyrǵan kóliktiń markasy men túsin kórip qalǵan. Birer saǵat ótken soń kúdiktiler anyqtalyp keıin qolǵa tústi. Olar Shymkent qalasynyń turǵyndary bolyp shyqty", -dep atap ótti J.Zııaddın.
Tártip saqshylary olardan aram jolmen kelgen aqsha men qylmystyq aıǵaq retinde travmatıkalyq tapanshany tapqan. Jábirlenýshiler áli de aýrýhanada jatyr, qazirgi kezde jaǵdaılary turaqty.
