Almatyda eki jigit boıjetkendi kólikke kúshtep alyp qashqan
ALMATY. QazAqparat - Almatyda eki jigit boıjetkendi kúshtep, kólikke mingizip alyp qashty. Oqıǵanyń vıdeosy áleýmettik jelide tarady, dep habarlaıdy QazAqparat tilshisi.
Almaty qalalyq Polıtsııa departamenti atalmysh oqıǵa boıynsha eshqandaı habar, ótinish túspegenin málim etti.
«Alataý aýdandyq polıtsııa basqarmasy janyndaǵy polıtsııa bóliminiń málimetinshe, bolǵan oqıǵa týraly 102 pýltine sıgnal, ótinishter túsken joq. Qazirgi ýaqytta mán-jaılardy anyqtaý úshin jedel bólimshe tekserý is-sharalaryn júrgizýde. Tájirıbege súıensek, bul prank nemese qandaı da bir shyǵarmashylyq ónimniń túsirilimi bolýy múmkin. Qalaı bolǵanda da, tekserý sharalary júrip jatyr», - dedi qalalyq polıtsııa departamentiniń baspasóz hatshysy Saltanat Ázirbek.
Aıta keteıik, QR Qylmystyq Kodeksiniń 125-baby «Adamdy urlaý» boıynsha qylmys jasaǵan adamǵa tórt jyldan jeti jylǵa deıingi merzimge bas bostandyǵynan aıyrý jazasy kózdelgen.
