Almatyda eki jer úı órtendi
ALMATY. QazAqparat – Almatyda jeke menshik sektorda órt boldy, dep habarlaıdy «QazAqparat» HAA tilshisi.
Almaly aýdanynda órt shyqqany týraly habar kúndizgi 11-ler shamasynda túsken.
«Órt sóndirýshiler kelgen sátte mynadaı jaǵdaı oryn alǵan: 50-shi jyldary salynǵan 2 jeke turǵyn úı órtenip, (eski, aǵashtan salynǵan), jalyn sharýashylyq qoralaryna jaıylǵan. Úılerdiń biri baraq tárizdi 4 páterge bólingen», - dedi TJD-da.
Tilsiz jaý 11-20-da aýyzdyqtaldy. Órttiń jalpy aýmaǵy 395 sharshy metrdi qurady. Qurbandar men zardap shekkender joq. Órttiń shyǵý sebebi anyqtalýda.
Oqıǵa ornyna TJD 44 qyzmetkeri, 18 tehnıka, polıtseıler attandy. Órt sóndirýshilerdiń arqasynda jalyn jaqyn mańdaǵy 3 úı men olardyń qoralaryna jaıylyp úlgergen joq.
Danııar Dáýletalıev
