Almatyda eki jasóspirimdi urlaǵan qylmystyq top quryqtaldy
ASTANA. 12 qyrkúıek. QazAqparat - Almatylyq jedel qyzmetkerler 15-16 jas aralyǵyndaǵy 2 jasóspirimdi urlaǵan qylmystyq topty quryqtady.
QR ІІM málimetterine qaraǵanda, jábirlenýshiniń kásipker ákesi óziniń tanysyna 10 myń dollar aqsha qaryz bolǵany anyqtaldy. Biraq qaryzyn qaıtarmaǵan soń, kúdikti onyń balalaryn urlamaq boldy.
Osy oıyn iske asyrý úshin kásipker bala urlaý úshin 7 adamdy jaldaıdy. Bala urlaýshylar ózderin quqyqqorǵaý qyzmetkeri dep tanystyryp, qujattary men telefondaryn tartyp alyp, olardy qalanyń shaǵyn aýdandandarynyń birine áketedi. Budan keıin osy is-áreketterin balalardyń ata-analaryna habarlaıdy.
Bala urlaýshylar jábirlenýshiniń ákesimen sóılesý kezinde ustaldy. Balalar ata-anasyna qaıtaryldy.
«Osy fakti boıynsha qylmystyq is qozǵaldy. Tergeý jalǵasýda»,-delingen bul málimetterde.
