Almatyda eki trolleıbýstyń baǵyty ózgerdi
ALMATY. QazAqparat – Almatyda eki trolleıbýstyń baǵyty ýaqytsha ózgerdi, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, jylý jelilerin jóndeý jumystarynan Gagarın dańǵylynda jol jabyndysynyń zaqymdalýyna baılanysty 30 maýsymnan bastap №1 jáne №9 trolleıbýstyń baǵyty ýaqytsha ózgerdi.
«Gagarın dańǵylynyń Esqaraev kóshesinen Hodjanov kóshesine deıingi bóliginde №1 jáne №9 marshrýttardyń syzbasyna ýaqytsha ózgeris engizildi. Trolleıbýstar Tımırıazev kóshesiniń batysymen – Rozybaqıev kóshesiniń ońtústik jaǵymen – Berezovskıı kóshesniń shyǵys jaǵymen – Gagarın dańǵylynyń soltústik bóligimen, odan ári marshrýt boıynsha júredi», - delingen habarlamada.
Buǵan deıin jol jóndeý jumystaryna baılanysty Abaı dańǵylynda kólik qozǵalysy ýaqytsha shekteletini týraly jazǵan bolatynbyz.
